Bargobihttá
Ekosmáhkkaduopmárat
Leago ekojogurtta smáhkka earálágan go dábálaš jogurtta? Čohkke 4-5 olbmo smáhkkaduopmárjoavkku ja árvvoštala dábálaš eanamuorjejogurtta ja ekoeanamuorjejogurtta smáhka.
Doaimma ná
Bivdde vánhemiid dahje oahpaheaddji skáhppot 2-4 pakeahta eará válmmašteaddjiid eanamuorjejogurtta, main ainjuo okta lea ekoeanamuorjejogurta. Fállet juohke jogurttas unna meari duopmárjoavkku lahtuide nu, ahte sii eai dieđe man eanamuorjejogurtta smáhkejit. Bivdde duopmárjoavkku lahtuid válddáhallat smáhka girjjálaččat. Fuomášumi sáhttá giddet ovdamearkan čuovvovaš áššiide: leago jogurtta smáhkka ittes vai njárbat? Dovdogo eanamuorjji smáhkka čielgasit vai láivvit? Man njálgga smáhkka lea? Bivdde muhtun duopmárjoavkku lahtu addit árvosáni juohke jogurtii.
Háleštallet duopmárjoavkku bohtosiin. Ledje árvvoštallamat oktilaččat vai spiehkkasedjego dat nubbi nuppis. Badjániigo muhtun jogurta buohkaid njunušin vai ledjego smáhkkaearut? Leago ekoeanamuorjejogurtta smáhkka juoga láhkai earálágan go earáid?
Dutket jogurttaid buvttačilgehusaid ja veardádallet daid. Giddejehket earenoamáš fuomášumi eandalii jogurttaid vuodja- ja sohkardoaluide ja eanamuorjedollui. Mo dat váikkuhit smáhkkii?
Bistin
30 minuhta.
Maid dárbbašat
2–4 earálágan eanamuorjejogurtta, main ainjuo okta lea ekojogurta.
Smávva gohpuid jogurttaid juohkima várás.
Báberláhpuid ja peannaid árvvoštallama gárvvisteami várás.
Info rávisolbmuide
Doaibma heive badjeluohkálaččaide ja nuppi dási stuđeanttaide. Doaibma rávve nuoraid áicama vullosaš árvvoštallamii ja hábmet eallindárbaša buvttačilgehusa áššiid, mat váikkuhit biebmosisdollui dahje smáhkkii.